राहत शिक्षकहरूको आन्दोलन जारी रहने, भएन वार्ताको प्रयास

७ असोज, काठमाडौं । सरकारले राहत शिक्षकहरूको माग सम्बोधन नगरेको भन्दै आन्दोलन आज पनि हुने भएको छ । सरकारसँग शुक्रबार साँझ गरेको सहमतिप्रति असन्तुष्ट राहत शिक्षकहरूको आन्दोलन आज पनि जारी रहने भएको हो ।

शुक्रबार सरकारसँग नेपाल शिक्षक महासंघ लगायतले गरेको सहमति प्रति राहत शिक्षकहरूले भने असहमति प्रकट गरेका छन । अन्य संगठनका शिक्षकहरू काठमाडौं केन्द्रित आन्दोलन गरेर घर फर्के पनि राहत शिक्षकहरू भने आन्दोलनमा नै रहेका छन् । 

माग पुरा नभएसम्म आन्दोलन जारी रहने नेपाल राहत शिक्षक केन्द्रीय समितिका अध्यक्ष खेमराज अधिकारीले जानकारी दिए । उनका अनुसार शुक्रबार सरकारसँग भएको सहमतिमा ५० हजार भन्दा बढी राहतका शिक्षकहरू असन्तुष्ट रहेका छन ।