एसियन गेम्समा सहभागी हुने नेपाली क्रिकेट टोलीमा सन्दीप अटाएनन्

७ असोज, काठमाडौं । चीनमा जारी १९औं एसियाली खेलकुदमा सहभागी हुने नेपाली क्रिकेट टोली त्यसतर्फ प्रस्थान गरेको छ । टोलीलाई काठमाडौंमा आयोजित एक समारोहच नवनिर्वाचित नेपाल क्रिकेट संघ क्यानका पदाधिकारीहरूले बिदाइ गरेको टछ । 

बिदाइ समारोहमा क्यान अध्यक्ष चतुरबहादुर चन्द र सचिव पारस खड्का उपस्थित थिए । उनीहरू हिजो शनिबार सम्पन्न निर्वाचनबाट ४ वर्षका लागि निर्वाचित भएका थिए ।

टोलीमा सन्दीप लामिछाने भने समावेश गरिएको छैन । उनीवरुद्धको बलात्कार कसुरसम्बन्त्री मुद्दा काठमाडौं जिल्ला अदालतमा अन्तिम सुनुवाइका क्रममा रहेको छ । मुद्दाको पेसी पछाडि धकेलिएको खण्डमा उनी प्रतियोगितामा भाग लिन चीन जानेछन् ।

यसअघि अन्तर्राष्ट्रिय प्रतियोगितामा भाग लिने क्रममा राष्ट्रिय टोली अघिअघि उनी पछिपछि जाने काम भएको थियो । यसपटक भने पेसी सार्ने वा नसार्ने भन्नेमा उनका वकिलले निर्णय लिन बाँकी छ । अदालतले पीडित किशोरीको जन्ममिति, बसाई सराईसम्बन्धी कागजातको अध्ययन गरिरहेको जनाइएको छ ।