स्वास्थ्य बीमा बोर्डका कार्यकारी निर्देशक बसौलालाई मन्त्रालयको ११ बुँदे स्पष्टीकरण-पत्र

७ असोज, काठमाडौं । स्वास्थ्य तथा जनसंख्या मन्त्रालयले स्वास्थ्य बीमा बोर्डका कार्यकारी निर्देशक डा. दामोदर बसौलालाई ११ बुँदे  स्पष्टीकरण सोधेको छ ।

बसौलाले पदीय जिम्मेवारी बहन नगरेको, निर्देशन पालना गरेको, स्वेच्छाचारी ढंगबाबाट निर्णय लिइएको, बिना अनुमति विदेश भ्रमणमा गएको लगायत आरोपमा प्रश्न राखेर ३ दिनको समय तोकेर स्पष्टीकरण सोधिएको छ । स्पष्टीकरणपत्र असोज ४ मा नै बुझाएसकिएको छ ।

‘नेपाली नागरिकको गुणस्तरीय स्वास्थ्य सेवा प्राप्त गर्ने अधिकार संरक्षण गर्न स्वास्थ्य बीमाद्वारा पूर्व भुक्तानीको माध्यमबाट बिमितको आर्थिक जोखिम न्यूनीकरण गरी जीवन रक्षा गर्नुपर्ने जस्तो अतिसंवेदनशील विषयमा गैरजिम्मेवारीपूर्वक प्रत्यक्ष रुपमा संलग्न भएको पाइएकोले तपाईंलाई स्वास्थ्य बीमा ऐन, २०७४ को दफा २५ को उपदफा (२) बमोजिम पदबाट किन नहटाउने ?’ पत्रमा उल्लेख छ । स्पष्टीकरण बुझाउने मिति आज अन्तिम दिन हो ।