मुद्दाको सुनुवाइ स्थगनपछि सन्दीप भोलि चीन जाने

७ असोज, काठमाडौं । आफूविरुद्धको बलात्कार मुद्दाको अन्तिम सुनुवाइ स्थगन भएपछि क्रिकेटर सन्दीप लामिछाने चीनमा जारी १९औं एसियाडमा नेपाली राष्ट्रिय टोलीबाट प्रतियोगितामा सहभागी हुन चीन जाने निश्चित भएका छन् । 

आजका लागि काठमाडौं जिल्ला अदालतमा मुद्दाको अन्तिम सुनुवाइ पेसी तोकिएपनि न्यायाधीश अभावका कारण देखाउँदै प्रशासनले पेसी सारेको थियो । एसियाडका लागि सन्दीपबिनै रोहित पौडेलको कप्तानीमा नेपाली टोली आजै मात्र हाङचउ प्रस्थान गरेको छ । टोलीलाई क्यानका नवनिर्वाचित पदाधिकारीहरुले बिदाइ गरेका थिए । विभिन्न खेल समावेश एसियाड शनिबारबाट सुरु भएको छ । सन्दीप चीन जान सोमबारका लागि हवाई टिकट काटिसकिएको क्यान स्रोतले बतायो । 

एसियाड उद्घाटन सत्रमा सहभागी भएका प्रधानमन्त्री प्रचण्ड हाल चीनमै विभिन्न भेटघाटमा छन् । उनी असोज १३ गते मात्र स्वदेश फिर्ता हुनेछन् ।