सगरमाथा लुम्बिनी इन्स्योरेन्सको दावी भुक्तानी बक्यौता सबैभन्दा उच्च

७ असोज, काठमाडौ । निर्जीवन बीमा कम्पनीहरुको बक्यौता दावी भुक्तानी रकम २१ अर्ब रुपैयाँ ११ लाख रुपैयाँ नाघेको छ । बीमा कम्पनीहरुले प्रकाशित गरेको वित्तीय विवरण अनुसार गत असार मसान्तसम्ममा १३ वटा निर्जीवन बीमा कम्पनीहरुले कुल १ लाख १ हजार जना बीमितलाई बक्यौता दावी भुक्तानी गर्न बाँकी रहेकामध्ये सबैभन्दा बढी सगरमाथा लुम्बिनी इन्स्यारेन्स कम्पनी लिमिटेड (सालिकाे)को देखिएको छ ।

यस कम्पनीले बीमित (ग्राहक)को कूल चार अर्ब ४४ करोड रुपैयाँ भुक्तानी दिन बाँकी देखिएको छ । साविकको सगरमाथा इन्स्योरेन्स र लुम्बिनी इन्स्योरेन्स मर्ज भई सगरमाथा लुम्बिनी इन्स्योरेन्स कम्पनी बनेको हो । मर्जरपछि कम्पनीले १४ हजार ८१ जनाको उक्त बक्यौता दावी भुक्तानी गर्न बाँकी रहेको छ ।

बक्यौता दाबी भुक्तानी दिन बाँकी कम्पनीको सूचीमा सिद्धार्थ प्रिमियर इन्स्योरेन्स रहेको छ । उसले गत असार मसान्तसम्ममा १२ हजार ८७९ जनाको दुुई अर्ब ६६ करोड रुपैयाँ बक्यौता दावी भुक्तानी दिन बाँकी छ ।

आइजीआई प्रुडेन्सियल इन्स्योरेन्स तेस्रोमा रहेको छ । उसले ११ हजार ८२० जना बीमितलाई दुई अर्ब १५ करोड रुपैयाँ बक्यौता दावी भुक्तानी दिन बाँकी छ ।