सुन तस्करी प्रकरणमा छानबिन आयोग गठनबारे सिंहदरबारमा सर्वदलीय बैठक

७ असोज, काठमाडौं । सुन तस्करी प्रकरणमा उच्चस्तरीय जाँचबुझ आयोग गठनको विषयमा सिंहदरबारमा सर्वदलीय छलफ जारी रहेको छ । कार्यवाहक प्रधानमन्त्री पूर्णबहादुर खड्काले सर्वदलीय बैठक राखेका हुन् । बैठक रक्षामन्त्रालयमा भइरहेको छ । बैठकमा उपप्रधानमन्त्री तथा गृहमन्त्री नारायणकाजी श्रेष्ठ, प्रमुख दलका सचेतक प्रमुख सचेतक सहभागी छन् ।

बैठकले आयोगको नेतृत्व, क्षेत्राधिकार लगायत विषयमाथि निर्णय लिइनेछ । एमालेले ब्रेकसुमा लुकाएर भएको तस्कराी ६० केजी र विद्युतीय चुरोट (भेप)मा राखेर गरिएको ९ केजी सुन तस्करीमाथि छानबिन गर्ने अधिकारसहितको आयोग गठन हुनुपर्ने अडान राख्दै आएको छ । ९ केजी सुन तस्करीमा सरकारको नेतृत्व गरिरहेको माओवादी केन्द्रका नेता कार्यकताहरुको संलग्नता रहेको आरोप एमालेको छ ।

तर सरकारले ९ केजीमाथि अदालतमा मुद्दा चलिसकेकाले ६० केजी सुन तस्करीमाथि मात्र आयोग बन्नुपर्ने तर्क गर्दै आइरहेको छ । सो विषयमा कुरा नमल्दिा सरकार पक्ष र प्रतिपक्षीबीच आयोग गठनमा सहमति जुटन सकेको छैन ।