प्रचण्डविरुद्ध अदालतको अवहेलना मुद्दामा सर्वोच्चमा सुनुवाइ सकियो

७ असोज, काठमाडौं । प्रधानमन्त्री पुष्पकमल दाहाल  ‘प्रचण्ड’ विरुद्धको अवहेलना मुद्दामा आज सर्वोच्च अदालतमा सुनुवाइ सकिएको छ । सर्वोच्च अदालतका न्यायाधीशद्वय ईश्वरप्रसाद खतिवडा र कुमार रेग्मीको संयुक्त इजलासमा उक्त मुद्दाको सुनुवाइ सकिएको हो । 

जेठ २०७३ जेठ १२ मा वरिष्ठ अधिवक्त दिनेश त्रिपाठीले प्रचण्डविरुद्धको अवहेलना मुद्दा दायर गराएका थिए । प्रारम्भिक सुनुवाइपछि त्यतिबेला विपक्षी अर्थात प्रचण्डसँग लिखित जवाफ माग्ने आदेश  भएको थियो । 

जवाफ समयमै पेस भएपनि पटकपटक पेसी तोकिँदै र सर्दै आइरहेको थियो । त्यसक्रममा बल्ल आज सुनुवाइ भएको हो । जवाफमा प्रचण्डले आफूले अदालतको अपहेलना नगरेको र मुद्दा खारेजभागी रहेको जिकिर गरेका छन् । सुनुवाइ सकिएपनि आदेश आउन भने बाँकी छ । माओवादी केन्द्रका अध्यक्ष समेत रहेका प्रम प्रचण्ड हाल चीन भ्रमणमा छन् । उनी असोज १३ गते मात्र स्वेदश फर्किनेछन् ।

भदाै ३० अमेरिकाकाे न्यूयाेर्क पुगेका उनी त्यतैबाट चीन पुगेका हुन् ।