एसियाड प्रतियोगिताः बक्सिङ खेलमा दीपक र संगीता पराजित

७ असोज, काठमाडौं । चीनको हाङचउ शरहमा जारी १९औं एसियन गेम्सअन्तर्गत बक्सिङमा नेपालका संगीता सुनार र दिपक श्रेष्ठ आजको खेलमा पराजित भएका छन् ।

संगीता भियतनामकी खेलाडी लिन्हसँग अंकको आधारमा पराजित भइन् । महिला ६० केजी तौल समूहअन्तर्गत राउन्ड अफ ३२ मा सुनारलाई भियतनामकी हा थि लिन्हले ५–० अंक ले पराजित गरेकी हुन्। 

यस्तै, पुरुषतर्फको ८० केजी तौल समूहमा दिपक श्रेष्ठ उज्वेकिस्तानका टुराबेक खबिबुल्लएइभसँग ५–० अंककै आधारमा पराजित भएका छन् । राउन्ड अफ ३२ को भिडन्तमा दिपकलाई टुराबेकले युनानिमोस डिसिजनको आधारमा पराजित गरे ।