एमाले बाग्मतीकाे नेतृत्व चयनका लागि अधिवेशन आजदेखि

८ असोज, काठमाडौं । नेकपा (एमाले)को बागमती प्रदेश नेतृत्व चयनका लागि आजदेखि बागमती अधिवेशन सुरु भएको छ । अधिवेशनको भृकुटीमण्डपमा उद्घाटन गरिँदै छ । बन्द सत्र भोलि मंगलबार कमलादीस्थित प्रज्ञा भवनमा हुनेछ । याे प्रथम अधिवेशन हाे ।

पार्टी नेतृत्वले सहमतिबाट प्रदेश नेतृत्व चयन गर्न भनेपनि सहमतिको संभावना टर्दै गएको नेताहरुले बताएका छन् । अध्यक्ष केपी शर्मा ओलीले रामेछापका कैशाल ढुंगेललाई अध्यक्ष बनाउन चाहेका छन् । तर अन्य थुप्रै नेताहरु नेतृत्वको दाबेदार देखिएपछि नेतृत्वका लागि मतदान हुने निश्चित प्रायः भएको छ ।

यसअघि ओलीले सहमतिकाे रटान गरेपनि लुम्बिनीमा मतदानबाटै नेतृत्व चयन भएकाे थियाे । गण्डकीमा पनि मतदानबाटै नेतृत्व चयन हुने देखिएकाे छ ।

कर्णालीमा पनि यही अवस्था छ । कर्णालीमा यही असाेज १०-११ मा प्रदेश अधिवेशन हुँदैछ ।