नेपाल–चीनबीच १२ सम्झौता र एउटा समझदारी पत्रमा हस्ताक्षर

८ असोज, काठमाडौं । चीन भ्रमणमा रहेका प्रधानमन्त्री प्रचण्ड नेतृत्वको टोलीले बेइजिङमा आयोजित समारोहमा नेपाल चीनसँग १२ वटा सम्झौता र एउटा समझदारी पत्रमा हस्ताक्षर गरेको छ । 

प्रधानमन्त्री प्रचण्ड र चिनियाँ समकक्षी ली छ्याङबीचको उपस्थितिमा नेपाल र चीनका अधिकारीहरुले १२ वटा सम्झौता र एउटा समझदारी पत्रमा हस्ताक्षर भएको हो । 

सम्झौता र समझदारी पत्र कृषि, सञ्चार, विज्ञान तथा प्रविधि, उर्जा, व्यापारसँग सम्बन्धित छन् । चीनको राष्ट्रिय विकास तथा अनुसन्धान परिषद र नेपालको राष्ट्रिय योजना आयोगबीच अर्काे एउटा सम्झौता पत्रमा हस्ताक्षर भएको भ्रमण टोलीमा रहेका एक सदस्यले बताए ।

सम्झौता र समझ्दारी पत्रको औपचारिक जानकारी दिन संयुक्त प्रेस विज्ञप्ति जारी गर्ने तयारी भइरहेको उनले बताए ।