साफ यू–१९ च्याम्पियनसिपः नेपाल र माल्दिभ्स दुवै टिमका खेलाडीले पाए रातो कार्ड

८ असोज, काठमाडौं । काठमाडौंमा जारी साफ यू–१९ च्याम्पियनसिप अन्तर्गत समूह चरणको अन्तिम खेलमा नेपाल र मालदिभ्स दुवै टोलीका एक एक खेलाडीले रातो कार्ड पाएका छन् ।

खेलको ३४औं मिनेटमा नेपालका सुजन डंगोल र मालदिभ्सका कप्तान मोहम्मद यान हसन झगडामा उत्रिएपछि रातो कार्ड पाएका हुन् ।

खेलका क्रममा एकापसमा भीडन्त गरेपछि रेफ्रीले रातो कार्ड दिएर मैदानबाट निकालिदिएका छन् । दुवै देशका टिम १० खेलाडीमा समेटिएका छन् । जारी खेलको पहिलो हाफमा नेपाल २–१ ले अगाडि रहेको छ । नेपालका लागि प्रशान्त लक्सन र समिर तामाङले गोल गरेका छन् ।