इन्डोनेसियन बक्सिङ खेलाडीलाई हराउँदै नेपालका रविन विजयी

८ असोज, काठमाडौं । चीनको हाङचउ शरमा जारी १९औं एसियाली खेलकुद प्रतियोगिताको तेस्रो दिन आज नेपालका बक्सिङ खेलाडी रविन थापाले जित निकालेका छन् ।

उनले पुरुषतर्फको ४६ देखि ५१ केजी तौलसमूहको ३२ खेलाडीबीचको भिडन्तमा उनले सफलता हात पारेका हुन् । जितसँगै रोविन अन्तिम १६ मा प्रवेश गरेका छन् । 

उनले सोमबार इन्डोनेसियाका प्रतिद्वन्द्वी दियो कोएबानुलाई अंकका आधारमा ४-१ ले हराएका थिए । सोमबार नै नेपालकी विनीता थापामगरले महिला ६० देखि ६६ केजी तौलसमूहमा चाइनिज ताइपेईकी निन चिन चेनको सामना गर्दैछिन् । पुरुष ६३.५ देखि ७१ केजी तौलसमूहमा नेपालका दिपेश लामाले भारतका निसान्त देवको सामना गर्दैछन् ।