विद्यालय शिक्षा विधेयकका विषयमा आन्दोलनरत शिक्षक र कांग्रेस सांसदबीच आज छलफल

९ असोज, काठमाडौं । नेपाली कांग्रेसले अन्दोलनरत शिक्षकसँग विद्यालय शिक्षा विधेयकबारे छलफल गर्ने भएको छ । कांग्रेस संसदीय दल र शिक्षकबीच संसदमा दर्ता भएको विद्यालय शिक्षा विधेयकबारे छलफल गर्न उनीहरुलाई बानेश्वरमा बोलाएको छ । 

कांग्रेस संसदीय दलका प्रमुख सचेतक रमेश लेखकको नेतृत्वमा कांग्रेसले शिक्षक प्रतिनिधिहरूसँग छलफल हुनेछ । छलफल दिउँसो १ बजे संघीय संसद भवनको ल्होत्से हलमा आज र भोलिसम्म चल्नेछ । कांग्रेस केन्द्रीय समितिको बैठकको निर्णय अनुसार छलफल हुन लागेको हो । 

छलफलका लागि नेपाल शिक्षक महासंघकी अध्यक्ष कमला तुलाधर, नेपाल शिक्षक संघका अध्यक्ष सोमनाथ गिरी, राहत शिक्षक समितिका अध्यक्ष खेमराज अधिकारी, बाल विकास शिक्षक समितिकी अध्यक्ष कृष्णकुमारी मगर, नगरपालिका महासंघका अध्यक्ष भीम ढुंगानालगायत विभिन्न संघसंगठनका प्रतिनिधिलाई बोलाइएको छ ।

आन्दोलित शिक्षक र सरकारबीच ६ बुँदे सहमति भइसके पनि राहतलगायत शिक्षकहरूले भने असन्तुष्टि जनाउँदै आन्दोलन जारी राखेका छन् । सरकारले पनि आन्दोलनमा रहेका शिक्षकसँग वार्ता गने ृतयार गिरिरहेको छ ।