ओलीले देखे काठमाडौंका फुटपाथलाई ‘नेवारी व्यापारी’को अंश
नेपालबहस संवाददाता
असोज ९, २०८० मंगलबार १३:३२:२५
९ असोज, काठमाडौं । नेकपा (एमाले)का अध्यक्ष केपी शर्मा ओलीले काठमाडौंका फुटपाथलाई नेवारी व्यापारीको अंश भएको बताएका छन् । मंगलबार सामाजिक संजालमा मेयर बालेन शाहको फुटपाथ व्यापारीलाई हटाउने कदमप्रति लक्षित गर्दै ओलीले काठमाडौंका फुटपाथ पैदल यात्री हिँडडुल बनाइएको स्वीकार्दै त्यसमा परम्परागत नेवारी व्यापारीले व्यापार पनि चलाउँदै आइरहेको संस्कृतिबारे स्मरण गराएका छन् ।
ससुराली काठमाडाैंमा भएका उनले परम्परादेखि फुटपाथमा रोजीरोटीका लागि गुजारा व्यापार गर्दै आइरहेका मानिसहरूको व्यवस्थापन गर्ने बारे गम्भीर सोच्न समेत महानगरपालिकासँग आग्रह गरेका छन् । ‘फुटपाथ (सडक) व्यापार हाम्रो परम्परागत नेवारी व्यापार संस्कृतिको अंश पनि हो’ ओलीले लेखेका छन् ।
उनले असन, इन्द्रचोक, भोटाहिटीतिर ५० औं वर्ष अघि देखि यस्तो व्यापार चलेको देखेको उल्लेख गरेका छन् परम्परागत रुपमा चल्दै आएको कुरालाई एक्कासि परिवर्तन गर्न खोज्दा केही खलबली हुनु स्वाभाविक रहेको उनको भनाई छ । फुटपाथ व्यापारीलाई बिना विकल्प हटाएपछि बालेनको कार्यालय भृकुटीमण्डपमा अभियन्ता ईः लगायतले पाँच दिनदेखि फुटपाथमा उभिएर विस्थापित फुटपाथ व्यापारीको आन्दोलनलाई साथ दिइरहेका छन् ।
ईः लाई आजै मात्र उपमेयर सुनिता डंगोलले भेट गरेर मागबारे नीति निर्णय गर्न पहल लिने आश्वासन दिएकी छन् । भेटको विषयमा पनि ओलीले लेखेका छन् । अभियन्ता ईः र उपमेयर डंगोल दुवै जना युवा रहेको र छलफल गरेर समस्याको समाधान निकाल्न समेत सुझाव दिएका छन् । ओलीले महानगरबाट गरिबलाई नभई गरिबीलाई हटाउनुपर्नेमा सबैले जोड दिनुपर्ने तर्क गर्दै समाधानबारे उपाय भए राख्न समेत भनेका छन् । ओलीले सोमबार पार्टीको बागमती प्रदेशको प्रथम अधिवेशन काठमाडौंमा उद्घाटन गर्दै मन्तव्य राख्ने क्रममा काठमाडौंका फुटपाथ व्यापारीलाई विकल्प दिएर मात्र हटाउनुपर्ने धारणा राखेका थिए ।
मेयर बालेन शाहकै योजनामा महानगरभित्रका फुटपाथका व्यापारीलाई महानगर प्रहरी बलको सहायतामा हटाएर पैदल यात्रीलाई हिँडडुलमा सहजता ल्याइएको छ । साथै घरको सटर र ढोका अगाडि ट्रस्ट ठड्याएर बनाइएका सबैतिरका संरचना हटाउने क्रम जारी राखेको छ । जसको तारिफ चौतर्फी हुँदै आइरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसमानीकरण अनुदान कटौती हुँदैन : प्रधानमन्त्री
जेठ ८, २०८१ मंगलबार
पशुपतिनाथको भेटी चोर्ने आठ जना पक्राउ
नेपालबहस संवाददाता
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
विनोद त्रिपाठी
जेठ ८, २०८१ मंगलबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
सानिमा बैंकको वित्तीय अवस्था दिन प्रतिदिन बिग्रँदै, वितरण योग्य नाफामा पहिरो
जेठ ८, २०८१ मंगलबार
प्रधानमन्त्रीसँग बिम्स्टेकका महासचिवको शिष्टाचार भेट
जेठ ८, २०८१ मंगलबार
कैलाश सिरोहियाको रिट दर्ता गर्ने वा नगर्ने भन्नेबारे भोलि निर्णय हुने
जेठ ८, २०८१ मंगलबार
समानीकरण अनुदान कटौती हुँदैन : प्रधानमन्त्री
जेठ ८, २०८१ मंगलबार