चाडपर्व लक्षित सहुलियत पसल २१ असोजदेखि संचालन गरिने

९ असोज, काठमाडौं । सरकारले दशैं, तिहार र छठ पर्व लक्षित सहुलियतपूर्ण पसल यही असोज २१ गतेदेखि सञ्चालन गर्ने भएको छ । मंगलबार उद्योग, वाणिज्य तथा आपूर्ति मन्त्रालयमा बसेको बैठकले सहुलियतपूर्ण पसल सञ्चालन गर्ने निर्णय गरेको हो ।

सहुलियतपूर्ण पसलमा उपभोक्ताले ५० रुपैयाँसम्म छुट पाउने व्यवस्था गरिएको बैठकपछि मन्त्रालयका प्रवक्ता गजेन्द्र ठाकुरले बताए । खाद्य व्यवस्था तथा व्यापार कम्पनी, साल्ट ट्रेडिङ, दुग्ध विकास संस्थान लगायतले सहुलियत पसलमा परिमाण तोकेर खाद्यान्न, तेल, दाल, गेडागुडीमा छुटकाे व्यवस्था गर्नेछन् ।