भक्तपुर मालपोत कार्यालय नजिकबाट दिउँसै टू ट्वान्टी पल्सर मोटरसाइकल चोरी

९ असोज, काठमाडौं । भक्तपुरबाट २२० सीसी (टू टवान्टी)को पल्सर मोटसाइकल चोरी भएको छ । मंगलबार दिउँसो करिब साढे ४ बजेतिर भक्तपुरको च्यामसिहंस्थित मालपोत कार्यालय नजिक सडकमा राखिएको सन्जित योञ्जन तामाङको रातो रंग (स्टिर)को बा.प्र ०२ ०४३ प ५०९९ नम्बरको मोटरसाइकल चोरी भएको हो । 

सडक छेउमा पार्किङ गरेर आफन्तको कोठामा छिरेको बेला हेल्मेटसहित मोटरसाइकल चोरी भएको उनले बताए । चोरी भएको घटनाबारे प्रहरी वृत्त जगातीमा रिपोर्ट गरेको उनले बताए । चोरी भएको मोटरसाइकलको खोजी भइरहेको प्रहरीले जनाएको छ ।