नारायणी अस्पतालले भव्य रुपमा वार्षिकोत्सव मनाउने

१० असोज, वीरगञ्ज । वीरगञ्जको नारायणी अस्पतालले यस पटक भव्य रुपमा वार्षिकोत्सव मनाउने तयारी गरेको छ । स्थापना भएदेखि कहिलै पनि वार्षिकोत्सव नमनाएको अस्पतालले यस पटक १ सय ३१ औँ वार्षिकोत्सव भब्य रुपमा मनाउने तयारी गरेको हो । 

वार्षिकोत्सवकै सप्ताहव्यापी कार्यक्रम अन्तर्गत आज अस्पताल परिसरमा रक्तदान कार्यक्रम सम्पन्न भएको छ । कार्यक्रम संयोजक डा. रोशन अलीको अध्यक्षतामा भएको कार्यक्रममा ३३ जना महिलासहित  ९१ जनाले रक्तदान गरेको रक्तसञ्चार केन्द्र वीरगञ्जका प्रमुख सौरभराज पाण्डेले जानकारी दिए । 

पाण्डेका अनुसार डा. मुकेश अग्रवाल, साहेब अन्सारी, आदेश चौरसिया, ममता चौधरी, किरण कुमारी, आरती चौरसिया, प्रिती साह, शर्मीला महर्जन, सञ्जिव गुप्ता, बिशाल राम लगायतले रक्तदान गरेका छन् । 

रक्तदान कार्यक्रममा नारायणी अस्पतालका मेडिकल सुपरिटेण्डेट डा. चितरञ्जन साह, अस्पताल कर्मचारी युनियनका पूर्व अध्यक्ष रामेश्वर प्रसाद, डा. प्रभाकर पाण्डे, हरि गुप्ता लगायतको उपस्थिति रहेको थियो ।