गाउँपालिका उपाध्यक्षको बुवाको निधनमा पालिकाभर शोक बिदा

१० असोज, काठमाडौं । ताप्लेजुङको आठराई त्रिवेणी गाउँपालिकाकी उपाध्यक्ष शान्ताकुमारी आङबोहाङको बुबाको भिनमा बुधबार गाउँपालिकाभर शोक बिदा दिइएको छ । \

उपाध्यक्ष आङबोहाङका बुवा दिलबहादुर आङबोहाङको निधनको शोकमा गाउँपालिकाभर आजशोक बिदा दिएको निमित्त प्रमुख प्रशासकीय अधिकृत विक्रम गुरुङले सूचना प्रकाशन गरेर जानकारी दिएका छन् ।

शोकमा आज गाउँपालिकाको कार्यालय, सबै वडा कार्यालय, स्वास्थ्य संस्था र शैक्षिक संस्था बुधबार बन्द गरिएको सूचनामा उल्लेख छ । अत्यावश्वयक सेवा भने बन्द नहुने जनाइएको छ ।

जनप्रतिनिधिकाे बुबाकाे मृत्युमा समेत बिदा दिइएकाे भन्दै स्थानीयलेभने आश्चार्य मानेका छन् ।