चार जना राजदूतले लिए राष्ट्रपतिबाट शपथ

१० असोज, काठमाडाैं । विभिन्न मुलुकमा नियुक्त राजदूतहरुले आज राष्ट्रपति रामचन्द्र पौडेलबाट शपथ लिएका छन् । उनीहरुले बुधबार राष्ट्रपतिको कार्यालय, शितलनिवासमा आयोजित एक समारोहबिच राजदूत पदको, पद तथा गोपनीयताको शपथ  लिएका हुन् । 

शपथ लिने राजदूतहरुमा फ्रान्सका लागि सुधीर भट्टराई, संयुक्त अरब एमिरेट्सका लागि तेजबहादुर क्षेत्री, कुवेतका लागि घनश्याम लम्साल र स्वीटजरल्याण्डका लागि रामप्रसाद सुवेदी रहेको राष्ट्रपति कार्यालयकी प्रवक्ता शैलेजा रेग्मी भट्टराईद्वारा आज जारी विज्ञप्तिमा उल्लेख छ ।

शपथ ग्हण समारोहमा कानुन, न्याय तथा संसदीय मामिला मन्त्री धनराज गुरुङलगायत नेपाल सरकारका उच्च पदस्थ अधिकारीहरू उपस्थिति थिए ।