संघीयता कार्यान्वयनमा सरकार गम्भीर छ : कावा प्रधानमन्त्री

१० असोज, काठमाडौं । कार्यवाहक प्रधानमन्त्री एवं रक्षामन्त्री पूर्णबहादुर खड्काले संघीयता कार्यान्वयनमा सरकार गम्भीर रहेको बताएका छन् । बुधबार कर्णाली प्रदेश राजधानी सुर्खेतकाे वीरेन्द्रनगर पुगेका खडकाले पत्रकारहरूसँगकाे कुराकानीमा  संघीय शिक्षा विधेयक संसदमा टेबुल भइसकेको र निजामति कर्मचारी ऐन र संघीय प्रहरी ऐन संसदमा दर्ता गर्ने तयारीमा रहेको जानकारी दिए । 

संघीय कानून बनेसँगै संघीयता कार्यान्वयनमा देखिएको आशंका हट्दै जाने उनको भनाइँ थियो । संघीय सरकारले कानुन नबनाउँदा संघीयताको अनुभूति नागरिकले प्रत्यक्ष गर्न नसेको यसबाट सरकारमाथि प्रश्न उठेको स्वीकार्दै संघीयता कार्यान्वयन गर्न सरका प्रतिबद्ध रहेको बताए । 

एक अर्को प्रसंगमा उनले चीन भ्रमणका बेला प्रधानमन्त्री प्रचण्डले गरेका सम्पूर्ण सम्झौता, समझदारी सरकारको दायित्व भएको बताए । उनले सहमति र सम्झौताहरू देशकाे हितमा रहेको समेत बताए ।  प्रधानमन्त्री ‘प्रचण्डको चीन भ्रमण सफल भएको समेत बताए ।