साफ यू–१९ च्याम्पियनसिपः भुटानलाई हराउँदै पाकिस्तान फाइनलमा प्रवेश

१० असोज, काठमाडौं । पाकिस्तान ६–५ गोल अन्तरदे भुटानलाई पराजित गर्दै पाकिस्तान साफ यू–१९ च्याम्पियनसिपको फाइनलमा प्रवेश गरेको छ । त्रिपुरेश्वरस्थित दशरथ रंगशालामा बुधबार भएको खेलमा खेल अवधिमा दुवै पक्षमा गोल हुन नसक्दा खेल टाइब्रेकरमा पुगेको थियो । सो क्रममा पाकिस्तानले भुटानलाई ६–५ ले पराजित गरेकाेे हो । 

जितसँगै पाकिस्तान फाइनल प्रवेश गरेको हो । पाकिस्तानले समूह चरणको पहिलो खेलमा आयोजक नेपाललाई समेत हराएको थियो । 

पाकिस्तानका मोहम्म्द अदिल युनास, शाह जहान, अलि जफान, खुर्सिद अलाम, मुहम्मद सदाम र कमिल अहमदले गोल गरे । भुटानका किनजाङ तेन्जिङ, जिग्ने माम्गेल, रिनजिङ दोर्जी, युगेन दोर्जी, पेमा जाम्पोले गोल गरे । 

पाकिस्तानले अब उपाधिका लागि दोस्रो सेमिफइनलका नेपाल र भारतमध्यको खेलको विजेतासँग खेल्नेछ । दोस्रो सेमिफाइनल खेल बुधबार नै साँझ दशरथ रंगशालामा हुँदैछ । फाइनल खेल भने शनिबार हुनेछ ।