इन्द्रजात्रामा ओलीको दुई लाइनको शुभकामना

११ असोज, काठमाडौं । नेकपा (एमाले)का अध्यक्ष केपी शर्मा ओलीले अत्यन्तै छोटो शब्दमा इन्द्रजात्राको शुभकामना दिएका छन् । इन्द्रजात्राको मुख्य दिन आज उनले दुई लाइनमा शुभकामना सन्देश दिएका हुन् । 

अघिपछि विभिन्न पर्व र अवसरमा पेजभरि लेखेर शुकामना दिने उनले यसपटक निकै छोटो शब्दमा शुभकामना व्यक्त गरेका छन् । ‘नेपाल नै हो, जहाँ जीवित देवीको पूजा हुन्छ । इन्द्रजात्राको शुभकामना’ उनले ‘जीवित देवी’काे तस्बीर राखेर दुई वाक्यमा लेखेका छन् ।

वर्षा र सहकालका देवता देवराज इन्द्रको पूजा–आराधना गरी आज नेवार समुदायले परम्परागत रुपमा इन्द्रजात्रा पर्व मनाइरहेका छन् । इन्द्रजात्रकाे अवसरमा आज राष्ट्रपति, प्रधानमन्त्रीले शुभकामना सन्देश दिएका छन् ।