एमाले बागमती कमिटीमा ३ सदस्य निर्विरोध

११ असोज, काठमाडौं । ललितपुरको च्यासलमा जारी एमालेको बागमती प्रदेशको प्रथम अधिवेशनमा मजदुर क्लस्टरत ३ जना सदस्य निर्विरोध भएका छन् ।

मजदुर क्लस्टर अन्तर्गत आवश्यक ३ सङ्ख्यामा ३ जनाको मात्र उम्मेदवारी परेपछि उनीहरु निर्विरोध भएका हुन् । निर्वाचित घाेषणा भने पछि मात्र हुनेछ ।

जिफन्ट राष्ट्रिय कमिटी सचिव तारानिधी पन्त (काभ्रे), जिफन्ट बागमती प्रदेश उपाध्यक्ष अर्जुन अर्याल (मकवानपुर), उपमहासचिव गीता कार्की (मकवानपुर) निर्विरोध भएका हुन् ।

प्रदेश कमिटीकाे नयाँ नेतृत्वसहित कमिटी चयन गर्न निर्वाचन हुँदैछ । बिहीबार बिहान ११ बजेबाट मतदान हुने भनिएकाेमा अझै सुरू हुन सकेकाे छैन । अध्यक्षमा रामेछापका कैशाल ढुंगेल र मकवानपुरका कृष्णप्रसाद दाहालबीच मुख्य प्रतिस्पर्धा हुने देखिएकाे छ । अन्य ३ जना पनि अध्यक्षका उम्मेदवार छन् ।