प्रज्वल ताम्राकारलाई ‘मिस्टर कन्जेनिलिटी’ अवार्ड

११ असोज, काठमाडौं । नेपाली युवा प्रज्वल ताम्राकारलाई १५औं मिस्टर इन्टरनेशनल २०२३ मिस्टर कन्जेनिलिटी विजेताका भएका छन् । सेप्टेम्बर ८ देखि १७ सम्म थाइल्याण्डको बैंककमा आयोजित १५औं मिस्टर इन्टरनेशनल २०२३ मा नेपालको प्रतिनिधिको रूपमा प्रतिस्पर्धा गरि  नेपाली युवा प्रज्वल ताम्राकारलाई मिस्टर कन्जेनिलिटी अवार्ड प्रदान गरिएको हो । 

३६ देशबाट ३६ सै जना सहभागी भएको उक्त प्रतिस्पर्धामा नेपालको तर्फबाट प्रज्वल ताम्राकार सहभागी भएको थिए ।  प्रतियोगितामा उनले प्रारम्भिक चरणमा ‘लाखे’लाई राष्ट्रिय पोसाकको रुपमा प्रस्तुत गरेका थिए । सहभागि प्रतिस्पर्धी उम्मेदवारहरू मध्ये सबैभन्दा मिलनसार, आकर्षक व्यक्तित्व र महत्वाकांक्षी उम्मेदवार रहेको भन्दै ताम्राकारलाई मिस्टर कन्जेनिलिटी अवार्ड प्रदान गरिएको आयोजकले जनाएको छ । 

प्रज्वल ताम्राकारले सेप्टेम्बर ११ मा थाइल्याण्डको अयुथयामा भएको १५औं मिस्टर इन्टरनेशनलको परम्परागत रनवेमा नेपालको परम्परागत पोशाकको रूपमा ‘दौरा सुरुवाल’ प्रस्तुत भएका थिए । सो पोशाकको डिजाइनले नेपालको हिमाल, पहाड र तराई क्षेत्र र ती क्षेत्रहरूमा बसोवास गर्ने विभिन्न जातीय समूहहरूलाई प्रतिनिधित्व गर्दछ ।  

यसले नेवारी संस्कृति र नेपाल दुवैको प्रतिनिधित्व गर्दछ । उनलाई बैंककमा अवतरणको क्रममा नेपालको राष्ट्रिय कवजसहित स्वागत गरिएको थियो । ३६ देशबाट प्रत्येक १ जना सहभागी भएको उक्त प्रतियोगितामा थाईल्याण्ड पहिलो, भने ज्वयला दोस्रो र ब्राजील तेस्रो भएका थिए ।