वैज्ञानिकहरुले पत्ता लगाए जिल्याण्डीया नामको आठौं महादेश, यस्तो छ नक्सा

१२ असोज,एजेन्सी । वैज्ञानिकले जिल्याण्डीया नाम दिएर आठाैं महादेश पत्ता लगाएका छन् । लगभग ३७५ वर्ष पछि भू वैज्ञानिकहरूले यो महाद्वीप पत्ता लगाएका हुन् । जुन अहिलेसम्म संसारबाट लुकेको थियो । यस पछि भन्न थालिएको छ कि संसारमा सात होइन, आठ महादेश छन् । 

वास्तवमा, वैज्ञानिकहरूले अब आठौं महाद्वीपको बारेमा पत्ता लगाएका छन् । यस महादेशको नाम जिल्यान्डिया हो, जुन करिब ९४ प्रतिशत समुन्द्र मुनि रहेको छ । जसको भु–भागको ६ प्रतिशत मात्रै पानी बाहिर छ, जसमा न्युजिल्यान्ड र साना टापुहरू रहेका छन् ।

बीबीसीका अनुसार वैज्ञानिकहरूले जिल्यान्डिया महादेशको नयाँ नक्सा जारी गरेका छन् । यो नयाँ महाद्वीप पत्ता लगाउने वैज्ञानिकहरूले भनेका छन् कि यो महाद्वीप गोन्डवाना नामक महाद्वीपको हिस्सा थियो । जील्याण्डिया लगभग १०.५ करोड वर्ष पहिले गोन्डवानाबाट अलग भएको थियो । एसिया, अफ्रिका, युरोप, उत्तर र दक्षिण अमेरिका, अष्ट्रेलिया र अन्टार्कटिका पछि यो नयाँ खोजले मानिसहरूलाई रोमाञ्चित बनाएको छ ।

समाचार अनुसार जिल्यान्डिया १.८९ मिलियन वर्ग माइल (४.९ मिलियन वर्ग किलोमिटर) को विशाल महादेश हो, जुन माडागास्कर भन्दा झण्डै ६ गुणा ठूलो छ। सन् २०१७ मा मात्रै यो पत्ता लागेको थियो तर यसपटक भने वैज्ञानिकहरूले यसको नयाँ नक्सा सार्वजनिक गरेका हुन । वास्तवमा २०१७ मा भूवैज्ञानिकहरूको समूहले यो आठौं महाद्वीपको घोषणा गर्दा चर्चामा आएको थियो  ।

‘यो धेरै स्पष्ट कुरा पत्ता लगाउन कति समय लाग्न सक्छ भन्ने एउटा उदाहरण हो,’ न्युजिल्याण्ड क्राउन रिसर्च इन्स्टिच्युट जीएनएस साइन्सका भूवैज्ञानिक एन्डी टुलोचले भने । उनी जिल्यान्डिया पत्ता लगाउने टोलीका सदस्य हुन । वैज्ञानिकहरू भन्छन् कि जिल्यान्डिया अध्ययन गर्न सधैं गाह्रो छ र भयो । 

वैज्ञानिकहरूले अहिले समुन्द्री सतहबाट ल्याइएको चट्टानको नमूनाहरू अध्ययन गरिरहेका छन्। जसका कारण अझै धेरै खुलासा हुने अपेक्षा गरिएको छ । जानकारी होस कि यो महाद्वीप पहिलो पटक सन् १६४२ मा डच नाविक एबेल टास्मानले पत्ता लगाएका थिए। यद्यपि उनी यस महाद्वीपमा पुग्न सकेनन्।