राष्ट्रपतिको कार्यालयका सहसचिव कार्कीको निधन

१२ असोज, काठमाडौं । राष्ट्रपतिको कार्यालयका सहसचिव शेरजङ्ग कार्कीको निधन भएको छ । ४९ वर्षीय कार्कीको उपचारका लागि शुक्रबार बिहान काठमाडौंको थापाथलीस्थित नर्भिक अस्पतालमा पुर्याउँदै गर्दा निधन भएको हो । 

बिहीबार रातिदेखि असहज महसुस गरेको र स्वास्थ्य गम्भीर बन्दै गएपछि कार्कीलाई आज बिहान ७ बजे थापाथलीस्थित नर्भिक अस्पतालमा पुर्‍याइएको थियो । अस्पतालका चिकित्सकहरुले कार्कीको निधन अस्पताल ल्याइपुर्याउनु पहिल्यै भइसकेको जनाएका छन् । हृदयघातबाट निधन भएकाे अनुमान गरिएकाे छ ।

कार्की गत असारदेखि राष्ट्रपति कार्यालय कानुन महाशाखामा कार्यरत थिए । मृतक कार्कीका श्रीमती, एक छोरा र एक छोरी छन् ।