छेन्दु पुगे प्रधानमन्त्री प्रचण्ड, सिचुआन प्रान्तीय सचिव सियाओसँग भेटवार्ता हुने

१२ असोज, काठमाडौं । चीनको औपचारिक भ्रमणमा रहेका प्रधानमन्त्री पुष्पकमल दाहाल  ‘प्रचण्ड’ शुक्रबार चीनको स्वशासित क्षेत्र तिब्बतको छेन्दु पुगेका छन् ।  तिब्बतको मुख्य शहर ल्हासाबाट आज बिहानको उडानबाट छेन्दु पुगेका हुन् ।

छेन्दुमा उनलाई सिचुआन प्रान्तका उपगभर्नर याङ सिङपिङ, विदेश मन्त्रालयको सिचुआन प्रान्तका निर्देशक चाङ ताओ र विदेश मन्त्रालयको एसियाली मामिलासम्बन्धी विभागका प्रमुखले स्वागत गरे ।

छेन्दुमा रहँदा उनले पाण्डा प्रजनन केन्द्रको निरीक्षण गर्ने कार्यक्रम छ । प्रधानमन्त्री दाहालले आज साँझ चिनियाँ कम्युनिष्ट पार्टीको सिचुआन प्रान्तीय कमिटीका सचिव वाङ सियाओसँग भेटवार्ता गर्ने कार्यक्रम छ ।

प्रचण्ड आज सियाओले आयोजना गर्ने रात्रिभोजमा सरिक हुने कार्यक्रम रहेको उनको सचिवालयले जनाएको छ । उनले बुधबार तिब्बतको कैलाश मानसरोवरको भ्रमण गरेका थिए । सोही दिने उनले ल्हासास्थित निर्वासनमा रहेका दलाइ लामो पोताला दरबार र जोखाङ मन्दिरको भ्रमण गरेका थिए ।

प्रचण्डसँग उनका स्वकीय सचिव गंगा दाहाल, परराष्ट्रमन्त्री एन पी साउद, भौतिक पूर्वाधार तथा यातायातमन्त्री प्रकाश ज्वाला, प्रधानमन्त्री दाहालका प्रमुख राजनीतिक सल्लाहकार हरिबोल गजुरेल, राष्ट्रिय सुरक्षा सल्लाहकार शंकरदास बैरागी, मुख्यसचिव डा. वैकुण्ठ अर्याल, विभिन्न मन्त्रालयका सचिव र अन्य सदस्यहरू छन् । 

तिब्बतबाट स्वदेश फिर्ता हुने कार्यक्रम छ । गएको भदौ ३० मा संयुक्त राष्ट्रको ७८औं महासभामा भाग लिन अमेरिकाको न्यूयोर्क प्रस्थान गरेका थिए । त्यसपछि असोज ५ मा त्यतैबाट सिधै ८ दिने चीन भ्रमणका लागि चीन पुगेका थिए ।