डेढ लाख रुपैयाँ घुुससहित सुब्बा र खरिदार अख्तियारको फन्दामा

१२ असोज, काठमाडौं । अख्तियार दुरुपयोग अनुसन्धान आयोगले  भूमिसुधार तथा मालपोत कार्यालय सुनसरीबाट दुई कर्मचारीलाई १ लाख ५० हजार रुपैयाँ घुस रकमसहित नियन्त्रणमा लिएको छ । अख्तियारको टोलीले शुक्रबार दिउँसो कार्यालयमा कार्यरत नायब सुब्बा सुदिप कटुवाल र खरिदार रमेश अधिकारीलाई नियन्त्रणमा लिएको हो । 

जग्गा नामसारी गरेवापत सेवाग्राहीसँग घुस माग गरेको उजुरी निवेदनका आधारमा अख्तियारको इटहरी कार्यालयबाट खटिएको टोलीले उनीहरुलाई इनरुवा नगरपालिका-३ स्थित मालपोत चोकबाट घुस रकम लिएको आयोगका प्रवक्ता भोला दाहालले जानकारी दिएका छन् ।