एमाले बागमती कमिटीमा १६२ सदस्य निर्विरोध, पदाधिकारीसहित बाँकी पदमा मतदान जारी

१२ असोज, काठमाडौं । नेकपा एमालेको बागमती प्रदेश कमिटीको नयाँ कमिटी चयनका क्रममा २४५ पदमध्ये १६२ पदमा निर्विरोध निर्वाचित भएका छन् । निर्विरोध सबै सदस्य हुन् । 

प्रदेश नेतृत्व अध्यक्ष पदमा रामेछापका कैशाल ढुंगेल र मकवानपुरका कृष्ण प्रसाद दाहालबीच प्रतिस्पर्धा भइरहेको छ । ललितपुरको च्यासलमा भइरहेको मतदान गति सुस्त गतिमा चलिरहेको छ । निर्वाचनका लागि १ हजार १७४ मतदाता रहेकामा मतदानको ३ घण्टामा ६ सय जतिले मतदान गरेका निर्वाचन समितिले जनाएको छ । मतदान विद्युतीय मेशिनबाट भइरहेको छ ।

उपाध्यक्षमा ४ जना, सचिवमा २, महिला उपसचिवमा २ जना प्रतिस्पर्धामा छन् । आजै मत परिणाम आउने निर्वाचन समितिको दाबी छ ।