कुमारी बैंक लिमिटेडका ५ नयाँ शाखा सञ्चालनमा

 

१२ असोज, काठमाडौं । कुमारी बैंक लिमिटेडले थप ५ शाखा सञ्चालनमा ल्याएको छ । बैंकले आफ्ना शाखा सञ्जाल विस्तार गर्ने क्रममा काठमाडौँस्थित कपन, सितापाइला र डल्लु तथा ललितपुरको भैसेँपाटी र टौखेल गरी ५ स्थानमा असोज १२ गतेबाट शाखाहरू सञ्चालनमा ल्याएको हो ।

बैंकले उक्त क्षेत्रका व्यवसायी, उद्यमी तथा स्थानीयलाई सहज रुपमा बैंकिङ्ग सेवा पुर्याउने उद्देश्यले उक्त शाखाहरू विस्तार गरेको हो । बैंकले आगामी दिनहरूमा थप शाखाहरू विस्तार गरेर आधुनिक बैंकिङ्ग सेवा पुर्याउने योजना बनाएको छ ।

विगत २२ वर्ष देखि निरन्तर बैंकिङ्ग सेवा दिदै आएको कुमारी बैंकले आगामी दिनहरूमा अझै सरल, सुलभ तथा उत्कृष्ट सेवाका निमित्त सहकार्य गर्दै जाने प्रतिबद्धता जनाएको छ ।