भीरकोट नगरपालिकनद्धारा दुई सडकलाई प्राथमिकता
नेपालबहस संवाददाता
असोज १४, २०८० आइतबार ११:३२:४६
♦ प्रकाश डोटेल
१४ असोज, स्याङ्जा । स्याङ्जाको भीरकोट नगरपालिकाले आर्थिक वर्ष २०८०/०८१ मा नगर क्षेत्रका दुई वटा सडकलाई उच्च प्राथमिकतामा राखेको छ । स्याङ्जा र पर्वत अन्तर जिल्ला तथा भीरकोट र बिरुवा जोड्ने अन्तर पालिका सडकलाई नगरपालिकाले प्राथमिकतामा राखेको हो ।
सघन शहरी विकास कार्यक्रम अन्र्तगत प्राप्त २० करोड बजेटबाट पूर्वाधर तर्फ बयरघारी–मोहनडाँडा पुलिभञ्ज्याङ हुँदै स्याङ्जा र पर्वत जिल्ला जोडिने सडक तथा बयरघारी–बानेथोक हुँदै बिरुवा पालिका जोडिने सडकलाई प्रथामिकतामा राखेको नगरपालिकाले जनाएको छ । दुबै सडकलाई झण्डै ७ करोड बजेट विनियोजन गरेको छ ।
“आर्थिक वर्ष २०७९/०८० मा अन्तर जिल्ला र पालिका जोड्ने उक्त सडक अन्र्तगत करिब ६ किलोमिटर पक्की तथा ढलान गरिएको थियो ।” नगर प्रमुख गोबिन्द कुमार कर्माचार्यले भने, “चालु आर्थिक बर्षमा समेत झण्डै ७ किलोमिटर पक्की तथा ढलान गर्ने लक्ष्य लिएका छौं ।”
शहरी विकास कार्यक्रमबाट करिब ७ करोड बजेट विनियोजन गरेको नगरपलिकाले स्याङ्जा–पर्वतको २३ र भीरकोट–बिरुवा २० किलोमिटर सडकलाई आन्तरिक श्रोतबाट ६ करोड बजेट सुनिश्चित गरेको छ । प्रदेश सरकारको समपुरक शिर्षकबाट मोहनडाँडा–पोखरेलाई ८० लाख, हेलु–खिलुङ्लाई ८० लाख र दार्सिङ्–जगतपुर केघा सडकलाई ८० लाख विनियोजन गरिएको छ ।
नगरपालिकाको बजार क्षेत्रका झण्डै सबै सडकहरु कालोपत्रे गरेको भीरकोट नगरले अन्तर जिल्ला र पालिका जोड्ने सडकलाई प्राथमिकतामा राखेर काम गरेको प्रमुख प्रशासकीय अधिकृत धर्मराज ढुङ्गानाले बताए । दुबै सडक मार्फत विशेष गरी कृषि तथा पर्यटन विकासमा महत्वपूर्ण भूमिका निर्वाह हुने अपेक्षा गरेको ढुङ्गानाले सुनाए ।
नगरको मुकाम भू–भागका सबै सडकहरु नगद लागत साझेदारीमा सरकारको ७० र नागरिकको ३० प्रतिशत लगानीमा नगरपालिकाले कालोपत्रे गरेको हो । नगरपालिकाले प्रत्येक वडामा निर्वाध रुपमा बाह्ै महिना सवारी साधन संचालनको पूर्वाधार तयार समेत गरेको छ ।
सडकलाई प्राथमिकतामा राखेको नगरपालिकाले सघन शहरी विकासको बजेटबाट आँधीखोला किनारमा निर्माणाधिन मन्दिर सहितको ताल र पार्क निर्माणमा झण्डै ४ करोड बजेट विनियोजन गरेको छ । नगर क्षेत्रबाट संकलित फोहोर प्रशोधन परिसरमा निर्माण गरिएको ताल तथा पार्क चालु बर्षमै निर्माण सक्ने तयारीमा नगरपालिका रहेको छ ।
संघीय विशेष अनुदान मार्फत आँधीखोला नदी नियन्त्रणमा ३ वर्षका लागि ५ करोड २ लाख बजेट विनियोजन भएको सुनाउँदै नगरका योजना अनुगमन तथा कार्यक्रम अधिकृत यामप्रसाद रेग्मीले भने, “नगरपालिकाले चालु आर्थिक वर्षमा नदी नियन्त्रण तर्फ १ करोड १५ लाख खर्च गर्ने लक्ष्य राखेको छ ।”
नगरपालिकाले चालु आर्थिक वर्ष २०८०/०८१ का लागि ७८ करोड ८२ लाख १६ हजार कुल बजेट विनियोजन गरेको छ । विनियोजित बजेट मध्ये ५८ करोड १५ लाख १६ हजार चालु खर्च र २० करोड १७ लाख पुँजीगत खर्च छुट्टाएको छ । विनियोजित बजेट मध्ये स्वास्थ्य, शिक्षा र पूर्वाधार विकासमा ठूलो हिस्सा खर्च हुने नगरपालिको जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजोमसोमको ऐतिहासिक काठेपुल सौन्दर्यकरण गरिँदै
असोज २, २०८१ बुधबार
पर्साको तिलावे पुलको पिलर भत्कियो, आवतजावतमा समस्या
भदौ ३०, २०८१ आइतबार
ऐतिहासिक छोसेरको निर्फु गुम्बा पुनः निर्माण
भदौ २७, २०८१ बिहिबार
रविलाई पक्राउ गर्ने कि नगर्नेमा विवाद, पुरक अभियोजनका लागि छलफल
नेपालबहस संवाददाता
असोज ४, २०८१ शुक्रबार
अध्यक्ष लिङ्देनको नेतृत्वको प्रतिनिधिमण्डल बेलायत प्रस्थान
असोज ५, २०८१ शनिबार
माइतीघरबाट पक्राउ परेका टिकाराम भुसालमाथि राज्यविरुद्धको कसुरमा अनुसन्धान सुरु
असोज ५, २०८१ शनिबार
मौलिक अधिकार कार्यान्वयन गर्न सरकार प्रतिबद्ध छ : सञ्चारमन्त्री गुरुङ
असोज ५, २०८१ शनिबार
बालबालिकाका लागि रचनात्मक तथा नवप्रवर्तनीय कार्यमा ध्यान दिन्छौं
असोज ५, २०८१ शनिबार
नेपालमा सातदेखि १० प्रतिशत मानिस अल्जाइमरसँगै डिमेन्सिया
असोज ५, २०८१ शनिबार
मार्फामा ५१ औँ थाक खेलकुद प्रतियोगिता सुरु
असोज ५, २०८१ शनिबार
सुदूरपश्चिम प्रदेशसभाः बजेटमाथिको छलफल सुरु
असोज ५, २०८१ शनिबार