मन्त्रिपरिषद बैठक बसेर जाँचबुझ आयोग गठन गरेपछि प्रधानमन्त्री प्रचण्डले चीन भ्रमणबारे संसदमा सम्बोधन गर्ने

१४ असोज, काठमाडौं । सुन तस्करी प्रकरणको छानविनका लागि उच्चस्तरी जाँचबुझ आयोग गठन गर्ने विषयमा दलहरु सहमति जनिक पुगेका छन् । प्रधानमन्त्रीले बोलाएको बालुवाटार बैठकमा सहमति जुटको बताइएको छ । आयोग गठन गर्न मन्त्रिपरिषदको बैठक बस्ने तयारी छ । 

मन्त्रिपरिषदले आयोग गठनको घोषणा गरेपछि संसद बैठक सुचारु हुने र बैठकमा प्रधानमन्त्री पुष्पकमल दाहाल प्रचण्डले चीन भ्रमणबारे संसद बैठकलाई सम्बोधन गर्ने नेकपा माओवादीका प्रमुख सचेत हितराज पाण्डेले जानकार दिए । 
 
सुन तस्करी प्रकरणको छानबिनका निम्ति आयोग घोषणाको तयारी गरिएको हो । आज दिउँसो १ बजे बस्ने प्रतिनिधिसभा बैठकअघि नै आयोग घोषणा गर्ने तयारी गरिएको नेकपा एमालेका सचेतक महेश बर्तौलाले जानकारी दिए । त्यसपछि आइतबारको संसद् बैठकमा प्रधानमन्त्री प्रचण्डले सम्बोधन गर्नेछन् ।

‘आज नै आयोग निर्माण हुने गरी कार्यादेश तयार गर्ने सहमतिको नजिक पुगेका छौँ । छलफलचाहिँ जारी छ । आजको संसद् बैठकमा प्रधानमन्त्रीले बोल्नुहुनेछ, उनले नेपालबहससँग भने, संसद्को बैठकपूर्व नै आयोग घोषणा गर्ने सहमतिको तयारी छ ।’