उच्च अदालतका पूर्व न्यायाधीश डिल्लीराम आचार्यको नेतृत्वमा उच्चस्तरीय छानबिन आयोग गठन

१४ असोज, काठमाडौं । सरकारले सुन तस्करी प्रकरणमा जाँचबुझ आयोग गठन गरेको छ । आइतबार बसेको मन्त्रिपरिषद्को आकस्मिक बैठकले उच्च अदालतका पूर्व न्यायाधीश डिल्लीराम आचार्यको संयोजकत्वमा चार सदस्यीय जाँचबुझ आयोग गठन गरेको हो । 

सञ्चार तथा सूचना प्रविधिमन्त्री रेखा शर्माका अनुसार आयोगमा अर्थविज्ञ किशोरजंग कार्की, प्रेमराज जोशी, सहकुल बहादुर थापा सदस्य रहेका छन् ।

आइतबार बसेको मन्त्रिपरिषद्को आकस्मिक बैठकले गृह मन्त्रालयको प्रस्तावमा उच्च अदालतका पूर्व न्यायाधीश डिल्लीराम आचार्यको नेतृत्वमा चार सदस्यीय छानबिन आयोग बनाउने निर्णय गरेको हो ।