रिहा भए अभिनेता अनमोल केसी

१४ असाेज, काठमाडाैं । अभिनेता अनमोल केसी हिरासतमुक्त भएका छन् । अनुसन्धानका लागि हिरासतमा राख्नुपर्ने अवस्था नदेखिएकाले उनलाई खोजेको बेला उपस्थित हुने गरी रिहा गरिएकाे छ । 

प्रहरीले खाेजेकाे उपस्थित हुने गरी अभिभावकको जिम्मा लगाएको छ । जिल्ला अदालतले ३ दिन हिरासतमा राख्न अनुमति दिए पनि उनलाई अनुसन्धानका लागि हिरासतमा राख्नुपर्ने अवस्था नदेखिएकाले रिहा गरिएकाे छ । 

फिल्म ‘रावायण’को आर्थिक लेनदेन विवादमा निर्मात्री सुप्रिया कटुवालले अनमोलविरुद्ध उजुरी दिएकी थिइन् । प्रहरीले उनलाई शुक्रबार बेलुका साँगाबाट पक्राउ गरेको थियो ।

प्रहरीले गरेको सोधपुछमा अनमोलले आफूले १० लाख फिर्ता गर्न खोज्दा पनि ‘रावायण’ फिल्मका निर्माताले लिन अस्वीकार गरेको बताएका थिए । साथै, स्क्रिप्ट चित्त नबुझेर प्रोजेक्ट अस्वीकार गरेको बताएका थिए ।