१० लाख भारतीय रुपैयाँसहित ३ जना पक्राउ

१५ असोज, रूपन्देही । रुपन्देहीको बेलहिया नाकाबाट १० लाख भारतीय रूपैयाँसहित तीन जना भारतीय नागरिक पक्राउ परेका छन् । 

प्रस्तावित सीमा सुरक्षा गुल्म ( बिओपी ) डण्डाका सशस्त्र प्रहरी बल नेपालका नायव उपरीक्षक किशोर श्रेष्ठ नेतृत्वको टोलीले आइतबार राति नेपालमा प्रतिबन्धित १० लाख भारतीय रूपैयाँसहित उनीहरूलाई पक्राउ गरेको हो । 

भारतबाट नेपालतर्फ आउने क्रममा बिओपी चेक पोस्ट अगाडिबाट चेकजाँच गर्ने क्रममा उनीहरुमध्ये एक जनाको साथबाट ९ लाख र दुई जनाको साथबाट ५०/५० हजार भारतीय रूपैयाँ बरामद गरिएको हो । बरामद सबै ५ सय भारु नोट रहेको सशस्त्र प्रहरीले जनाएको छ।