प्रधानमन्त्री प्रचण्ड र एमाले अध्यक्ष ओलीबीच भेटवार्ता

२० असोज, काठमाडौं । प्रधानमन्त्री पुष्पकमल दाहाल प्रचण्ड र प्रमुख प्रतिपक्ष दल नेकपा एमालेका अध्यक्ष केपी शर्मा ओलीबीच भेटवार्ता भएको छ । शनिबार बिहान सिंहदरबार स्थित प्रधानमन्त्री तथा मन्त्रिपरिषदको कार्यालयमा प्रधानमन्त्री प्रचण्ड र अध्यक्ष ओलीबीच भेटवार्ता भएको हो ।

भेटका क्रममा दुई नेताबीच समसामयिक राजनीतिक विषयमा छलफल भएको बताइएको छ । संसदमा पेश भएको विद्यालय शिक्षा विधेयक, टीआरसी विधेयक र सुन तस्करी प्रकरणको छानबिनका लागि गठन भएको जाँचबुझ आयोगका काम कारबाहीबारे छलफल भएको बताइएको छ ।