इजरायल आक्रमणमा ज्यान गुमाएका नेपालीहरुको शव यथाशीघ्र नेपाल ल्याउन कांग्रेस नेता कोइरालाको आग्रह

२२ असोज, काठमाडौं ।  नेपाली कांग्रेसका वरिष्ठ नेता डा. शेखर कोइरालाले हमासले इजरायलमा गरेको आक्रमणमा मृत्यु भएका नेपालीहरूको शव यथाशक्य छिटो नेपाल ल्याउन पहल गर्न सरकारसँग आग्रह गरेका छन् । सोमबार सामाजिक सञ्जाल फेसबुकमार्फत उनले घटनामा घाइतेहरूको यथाशीघ्र उद्धार गरी सुरक्षित स्थानमा उपचारको व्यवस्था मिलाउन पनि आग्रह गरेका हुन् । 

उनले लेखेका छन्,‘इजरायलमा आक्रमणमा परी निधन भएका नेपाली विद्यार्थीहरू प्रति हार्दिक श्रद्धाञ्जली व्यक्त गर्दै मृतकका परिवारहरूमा गहिरो समवेदना प्रकट गर्दछु । मृतकहरुको शव यथाशक्य नेपाल ल्याउने प्रवर्धन  गर्न सरकारसँग आग्रह गर्दछु । साथै घटनाका घाईतेहरुको यथाशीघ्र त्यस क्षेत्रबाट उद्धार गरी सुरक्षित स्थानमा उपचारको व्यवस्था मिलाउन तथा त्यस क्षेत्रमा रहेका अन्य नेपालीहरूलाई चाँडो भन्दा चाँडो सुरक्षित स्थानमा पुर्याउन सरकारसँग आग्रह गर्दछु । ’

यस्तै इजरायलको युद्ध ग्रस्त क्षेत्रमा रहेको नेपालीहरूलाई सुरक्षित स्थानमा पु¥याउन इजरायलस्थित नेपाली दूतावास, इजरायल सरकारसँग समन्वय गर्न आग्रह गरेका छन् । उनले हमास समूहको आक्रमणमा परी निधन भएका नेपाली विद्यार्थीहरूप्रति हार्दिक श्रद्धाञ्जली व्यक्त गर्दै मृतकका परिवारमा गहिरो समवेदनासमेत समेत व्यक्त गरेका छन् ।