बैतडीमा महिलालाई बलात्कार गरेको आरोपमा युवक पक्राउ

२२ असोज, काठमाडौं । बैतडीमा  महिलामाथि बलात्कार गरेको आरोपमा एक युवक पक्राउ परेका छन्। पक्राउ पर्नेमा मेलौली नगरपालिका ५ खलिगाडका २८ वर्षीय नरेश जोशी रहेका जिल्ला प्रहरी कार्यालय बैतडीका सूचना अधिकारी तथा प्रहरी निरीक्षक योगेश खत्रीले जानकारी दिएका छन्  ।

जोशीमाथि असोज २१ गते बिहान मेलौली ६ को लामाखोला जङ्गलमा ४५ वर्षीया महिलालाई करणी गरी फरार रहेको आरोप छ । फरार रहेका जोशीलाई आज लामालेकबाट पक्राउ गरेको हो।

पक्राउ परेका जोशीविरुद्ध जबर्जस्ती करणी मुद्दा दर्ता भएर थप अनुसन्धान भइरहेको जिल्ला प्रहरी कार्यालय बैतडीले जनाएको छ ।