मन्थली–लुक्ला उडान सुरू, एक्सरे मेशिन नहुँदा यात्रुकाे चेकजाँचमा समस्या

२५ असोज, काठमाडौं । मौसममा सुधार आएपछि रामेछापको सदरमुकाम मन्थलीबाट लुक्लामा हवाई उडान सुरु भएको छ । मौसममा आएको खराबीले पाँच दिनदेखि पर्यटक अलपत्र परेका थिए । पर्यटकहरु लुक्ला हुँदै आफ्नो गन्तव्यतर्फ जाने क्रम सुरु भएको छ । मन्थली विमानस्थलबाट तारा, समिट र सिता एअरले उडान गर्ने गरेका छन् ।

उडानमा यात्रु र सामानको चेकजाँचका लागि एक्सरे मेशिन नहुँदा मन्थली विमानस्थलमा कर्मचारीलाई समस्यामा परेको छ । मेशिन अभावका कारण ब्यागेज तथा सरसामान हातैले खानतलासी गर्दा  बढी लाग्ने र पर्यटकले मिलाएर ल्याएका सामान पुनस् प्याक गर्नुपर्दा झन्झटिलो हुने गरेको कर्मचारीले बताएका छन् । मेशिन तत्काल व्यवस्था गर्न उनीहरुले माग गरेका छन् ।