चिकित्सकमाथि अभद्र व्यवहार गरेको आरोपमा काे काे पक्राउ परे ?

२५ असोज, काठमाडौं । जिल्ला अस्पताल संखुवासभामा ड्युटीमा रहेका डाक्टर र स्वास्थ्यकर्मीलाई गालीगलौज र हातपात प्रयासको आरोपमा प्रहरीले ३ जनालाई पक्राउ गरेको छ । 

पक्राउ पर्नेमा खाँदबारी नगरपालिका–१ का २८ वर्षीय विक्रम विश्वकर्मा, सोही ठेगाना भएका २८ वर्षीय आशिष विश्वकर्मा र वडा नम्बर ९ का अनील विश्वकर्मा रहेका छन् । 

उनीहरूले मदिरा सेवन गरी बुधबार दिउँसो करिब साढे १ बजे खाँदबारीस्थित जिल्ला अस्पतालका चिकित्सक र स्वास्थ्यकर्मीलाई गालीगलौज र हातपातको प्रयास गरेको प्रहरीले जनाएको छ ।