गण्डकीमा अध्यक्षकप फुटबल प्रतियोगिता सुरु

२५ असोज, गोरखा । गोरखाको गण्डकी गाउँपालिकामा आजदेखि प्रथम अध्यक्षकप फुटबल प्रतियोगिता २०८० सुरु भएको छ । गाउँपालिका शिक्षा युवा तथा खेलकुद शाखाको आयोजनामा सुरु भएको उक्त प्रतियोगिता दुई दिनसम्म सञ्चालन  हुने भएको छ  ।

वडा नं ५ स्थित दर्बुङमा आयोजना गरिएको  प्रतियोगितामा पालिकाभित्र रहेका विभिन्न माध्यमिक विद्यालयका  छात्र तथा छात्राको फुटबल टोलीको  सहभागिता छ । प्रतियोगितामा उपाधि विजेता टोलीलाई  रु ३०, दोस्रो हुने टोलीलाई रु १५ तेस्रो हुने टोलीलाई  रु सात हजारसहित पदक र प्रमाणपत्र प्रदान गरिने बताइएको छ ।

उक्त प्रतियोगिता शुभारम्भ गर्दै गाउँपालिकाका अध्यक्ष दीपक तिमल्सिनाले पालिकाभित्र खेलकुद क्षेत्रको विकास गर्दै खेलाडी उत्पादनमा सहयोग पुर्याउने उद्देश्यसहित प्रतियोगिता आयोजना गरिएको बताए । 

उनले यस्ता प्रतियोगिताले स्वास्थ्यका साथै  युवाको व्यक्तित्व विकासमा पनि सहयोग पुर्याउने र उनीहरूमा आत्मविश्वास पनि बढाउन मद्दत पुग्ने भएकाले गाउँपालिकाले खेलकुदलाई प्राथमिकता दिँदै आएको बताए ।