चिनीको कृत्रिम अभाव गराउने व्यापारीलाई सरकारले नै साथ दिएको छ : पदम गिरी

२५ असोज, काठमाडौं । प्रमुख प्रतिपक्ष नेकपा (एमाले)का प्रमुख सचेतक पदम गिरीले सरकारकै इसारामा बजारमा चिनीको अभाव गराएको आरोप लगाएका छन् । बिहीबार बसेको प्रतिनिधिसभा बैठकको शून्य समयमा बोल्दै गिरीले सरकारबाटै काला बजारियालाई संरक्षण भएका कारण कृत्रिम रुपमा चिनीको अभाव भएको आरोप लगाए । 

‘जब उपभोक्ताबाट चिनीको माग उच्च हुने अवस्थामा व्यापारीले चिनीको अभाव गराएका छन्’ उनले भने, ‘यसमा सरकारले किन कारवाही चलाउँदैन ?, यसबाट ला बजारियालाई सरकारले नै संरक्षण दिइरहेको स्पष्ट हुन्छ ।’
उनले अभाव समाधान गर्न सरकारले तत्काल ठोस कदम चाल्न माग गरे । साथै, महंगो मूल्यमा चिनी खरिद गर्नुपर्ने विवशताबाट उपभोक्तालाई  मुक्त गर्न सरकार गम्भीर हुनुपर्नेमा जोड दिए