चार जिल्लाका सीडीओ हेरफेर, को कहाँ पुगे ?

२३ असोज, काठमाडौं । गृह मन्त्रालयले दोलखा, बाँके लगायत ४ जिल्लाका प्रमुख जिल्ला अधिकारी (सीडीओ) हेरफेर गरेको छ । यही असोज २३ गतेको निर्णयअनुसार दोलखा, सर्लाही, बाँके र इलामका प्रमुख जिल्ला अधिकारीहरु हेरफेर गरिएको मन्त्रालयले जनाएको छ ।

जसअनुसार सर्लाहीका प्रजिअ रहेका इन्द्रदेव यादवलाई इलामको प्रमुख जिल्ला अधिकारी बनाइएको छ । सर्लाहीमा दोलखाका प्रमुख जिल्ला अधिकारी कोमलप्रसाद धमलालाई पठाइएको छ । 

यस्तै, इलामका प्रजिअ श्रवणकुमार पोखरेललाई भने बाँके पठाइएको छ भने बाँकेका प्रमुख जिल्ला अधिकारी विपिन आचार्यलाई भने गृह मन्त्रालयमा सरुवा गरिएको छ । गृहमा रहेका टुकराज पोखरेललाई दोलखामा प्रमुख जिल्ला अधिकारी बनाएर पठाइएको छ ।