राप्ती प्रतिष्ठानका रजिस्ट्रारसहित तीन जनाले दिए राजीनामा

२६ असोज, काठमाडौं । दाङको घोराही स्थित राप्ती स्वास्थ्य विज्ञान प्रतिष्ठानका शिक्षाध्यक्ष, रजिस्ट्रार र डेपुटि रजिस्ट्रारले एकैचोटि पदबाट राजिनामा दिएका छन । पदिय जिम्मेवारीमा योग्यता नपुगेपछि प्रतिष्ठानका शिक्षाध्यक्ष डा. बसन्त लामीछाने, रजिस्ट्रार प्रकाश थापा, डेपुटि रजिस्ट्रार घोराही १५ निवासी झङ्कार लामीछानेले पदबाट राजिनामा दिएको स्वास्थ्य मन्त्रालय स्रोतले जनाएको छ । 

उनीहरुले दिएको राजिनामा पत्र मन्त्रालयमा पनि दर्ता भइसकेको छ । योग्यता नपुगेको भन्दै अख्तियार र स्वास्थ्य मन्त्रालयमा उजुरी परेको थियो । अख्तियार र स्वास्थ्य मन्त्री मोहन बस्नेतले  दबाब दिएपछि तिनै जनाले पदबाट राजीनामा दिएका हुन । राष्ट्रिय सतर्कता केन्द्रले पनि योग्यता नपुगेको भन्दै अख्तियारलाई थप छानबिन गर्न पत्राचार गरेको थियो । कार्तिक १ गतेदेखि नै लागु हुने गरि तिनै जनाले राजिनामा दिएको मन्त्रालयले जनाएको छ ।