हमास हमलामा ज्यान गुमाएका विद्यार्थीको शव फर्काउने प्रक्रिया तीव्र रुपमा भइरहेको छ : नेपाली दूतावास

२६ असोज, काठमाडौं । इजरायलस्थित नेपाली राजदूतावासले नेपाल फर्किन बाँकी रहेका नेपाली नागरिकहरुलाई क्रमशः फर्कन सहजीकरण गर्ने प्रक्रिया तीव्र रुपमा भइरहेको जनाएको छ ।

दूतावासले एक प्रेस विज्ञप्ति जारी गर्दै इजरायलमा बाँकी रहेका नेपालीलाई क्रमशः फर्कन सहजीकरण गर्ने प्रक्रिया सुरु गरिएको जानकारी दिएको छ । 

साथै दूतवासले गाजा क्षेत्रमा प्यालेस्टाइनको हमास समूहले गरेको हमलामा ज्यान गुमाएका १० नेपाली विद्यार्थीहरुको शव ल्याउने प्रक्रिया पनि तीव्र गतिमा भइरहेको जनाएको छ ।

सरकारले गाजाबाट उद्धार गरी २५३ नेपाली विद्यार्थीलाई आज बिहान मात्र काठमाडौं ल्याइपुर्याएको छ । अन्य २५० जनाले फिर्ता आउन दूतावासमा नाम टिपाएको जनाइएको छ । हमलामा परी  एक विद्यार्थी बेपत्ता रहेका छन् ।

सुदूरपश्चिम विश्वविद्यालयबाट इन्टर्न गर्न इजरायल पुगेका ४९ विद्यार्थीलाइ गाजा क्षेत्र पुर्याइएकाे थियाे ।