देउवाले आकस्मिक बोलाए कार्यसम्पादन समितिको बैठक

नेपालबहस संवाददाता

असोज २६, २०८० शुक्रबार १४:५५:१४

२६ असोज, काठमाडौं । नेपाली कांग्रेसका सभापति शेरबहादुर देउवाले केन्द्रीय कार्यसम्पादन समितिको बैठक बोलाएका छन् । बैठक शुक्रबार ३ बजेपछि देउवाको निजी निवास धुम्बाराहीमा बस्ने कांग्रेसका मुख्य सचिव कृष्णप्रसाद पौडेलले जानकारी दिए ।

बैठकमा कोशी प्रदेशमा कांग्रेस सांसदहरुले चालेको कदमका बारेमा छलफल हुनेछ । कोशी कांग्रेसमा अहिले विवाद छ । कांग्रेसका सांसद केदार कार्कीले विद्रोह गर्दै एमालेको समर्थनमा मुख्यमन्त्रीमा दाबी पेस गरेका छन् । उनको दाबी फिर्ता गराउन नेता शेखर कोइरालामाथि चौतर्फी दवाव परेको छ ।

सभापति देउवाले मुख्यमन्त्रीमा नेकपा माओवादीका इन्द्र आङबोलाई समर्थन गर्ने निर्णय गरेको भए पनि कांग्रेस कोशीका सांसद केदार कार्कीले पार्टीका अरू ८ र नेकपा एमालेका ३९ जना सांसदको समर्थनमा मुख्यमन्त्रीमा दावी पेश गरेका छन् ।

null

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप