देउवा निवासमा कांग्रेसको पदाधिकारी बैठक जारी

२६ असोज,काठमाडौं । नेपाली कांग्रेस सभापति शेरबहादुर देउवाले बोलाएको आकस्मिक पदाधिकारी बैठक जारी छ । कोशी प्रदेश सरकार गठन प्रकियाले निम्ताएको संकटको निकास खोज्नका लागि नेपाली कांग्रेस सभापति देउवाले बैठक बोलाएका थिए । 

कोशी प्रदेशमा कांग्रेसका प्रभावशाली नेता शेखर कोइराला पक्षधरले विद्रोह गरेर केदार कार्कीको नेतृत्वमा नेकपा एमालेको समर्थनमा मुख्यमन्त्री दावी गरे पछि कांग्रेस भित्रको संकट प्रकट रुपमा नै देखिएको छ ।  

धुम्बाराहीस्थित सभापति देउवाको निवासमा बोलाईएको बैठकले हिजोबाट कांग्रेस भित्र कोशी प्रदेशमा भएको बिद्रोहका बारेमा आवाश्यक निर्णय लिनेछ । साँझ ५ बजेसम्ममा निर्णय लिनु पर्ने भएकाले सभापति देउवाले आकस्मिक रुपमा पदाधिकारी बैठक बोलाएका हुन् ।