कांग्रेस नेतृत्वमा राष्ट्रिय सरकार बनाएर संविधान संशोधन गरौँः सांसद गौतम

२६ असोज, काठमाडौं । नेपाली कांग्रेसका सांसद सञ्जयकुमार गौतमले पुष्पकमल दाहाल प्रचण्ड नेतृत्वको सरकारले अपेक्षित काम गर्न नसकेको भन्दै कांग्रेसको नेतृत्वमा राष्ट्रिय सरकार बनाउन आवश्यक देखिएको बताएका छन् । 

शुक्रबार प्रतिनिधिसभाको बैठकमा विशेष समयमा सुकुम्बासीको समस्या समाधान नगर्ने, विकास को काम नगर्ने, महँगी नियन्त्रण नगर्ने, राष्ट्रिय गौरवका आयोजना ध्वस्त पारिराख्ने र खालि सत्ताको लुछाचुँडीमा रहने हो यो सरकार राखिराख्न आवश्य नभएको उनले बताउ । 

प्रचण्ड नेतृत्वको सरकारको विकल्प आवश्यक रहेको बताउँदै कांग्रेस सांसद गौतमले यही गति र यही मतिमा चल्ने हो भने यसले राम्रो परिणाम ल्याउँदैन । नेपाली जनताका अगाडि धेरै विकल्प छैन । यस्तै हो भने नेपाली कांग्रेसको नेतृत्वमा राष्ट्रिय सरकार निर्माण गरौं समयमै, उनले भने । 

कांग्रेस संसदको सबैभन्दा ठूलो दल भएका उल्लेख गर्दै उनले संविधानको रक्षाका लागि समेत राष्ट्रिय सरकार आवश्यक रहेको बताए । ‘कांग्रेस सबैभन्दा ठूलो दल हो । सबै मिलेर एकपल्ट राष्ट्रिय सरकार बनाऔं । होइन भने क्रान्ति र परिवर्तन सबै सिद्धिएर जान्छन् । त्यसले कहाँ पुर्याउँछ थाहा छैन’ उनले भने ।