कार्की नेतृत्वको सरकार २०८४ सम्म रहन्छ: थापा

२७ असोज, विराटनगर । कोसी प्रदेश नेपाली कांग्रेस संसदीय दलका नेता उद्वव थापाले राजीनामा दिएका छन् । उनले आज कांग्रेस संसदीय दलको नेताबाट राजीनामा दिएका हुन् । थापाले आफूले नैतिक रुपमा राजीनामा दिएको बताएका छन् । थापाले मुख्यमन्त्री बनेका कार्कीलाई निरन्त सहयोग गर्ने बताएका छन् ।  
 
उनले राजीनामा दिँदै भनेका छन्, ‘राजनीतिक घटनाक्रममा एउटा कारक आफू पनि भएको भन्ने सोच बनाएर राजीनामा दिएको हुँ । मुख्यमन्त्री बन्नु र आफ्नो राजीनामा दिनु संयोगमात्र हो । मुख्यमन्त्री केदार कार्की हुने र आफूहरु प्रतिपक्ष हुने कुरा आउाँदैन । उहाँ गठबन्धनकै मुख्यमन्त्री हो । उँहाँ २०८४ सम्म कायम रहनुहुन्छ ।’  

थापाले अब दलको नेता सहमतिमा फेरि चयन गर्ने बताए । विश्वासको मत लिँदा संख्या आफूहरुले कार्कीलाई नै मत हाल्ने उनले स्पष्ट पारे ।  केन्द्रको निर्देशन अनुसार अघि बढ्ने बताएका थापाले मुख्यमन्त्रलाई विद्रोही भनेर आफूहरुले नठानेको बताए । कार्की नेतृत्वको सरकार २०८४ सम्म रहने उनको भनाइ छ । 

कांग्रेसकै प्रदेशसभा सदस्य केदार कार्की पार्टीबाट विद्रोह गर्दै बहुमत जुटाएर मुख्यमन्त्री बनेपछि थापाले राजीनामा दिएका हुन् । प्रधानमन्त्री पुष्पकमल दाहाल प्रचण्डले पनि कार्कीलाई गठबन्धनकै मुख्यमन्त्री भएको बताएका छन् । शनिबार विहान तीन नेताबीच कार्कीलाई सहयोग गरेर जाने र गठबन्धनलाई कायमै राख्ने सहमति पनि भएको छ ।