मुुख्यमन्त्री कार्कीको देउवा र शेखरसँग परामर्श

 २७ असोज, काठमाडौं । शनिबार विहान कोशी प्रदेशको मुख्यमन्त्रीमा नियुक्त भएका केदार कार्कीले हिजो र आज विहानसम्म तातेको कांग्रेसको राजनीतिलाई साझ सान्त बनाउने कोसिस गरेका छन् । मुख्यमन्त्री को शपथ नलिदै उनले काठमाडौंमा आएर पार्टी सभापति शेरबहादुर देउवा र नेता कोइरालालाई भेटेका छन् । कतिपयले उनको भेटलाई राजनीतिक संस्कारको रुपमा पनि लिएका छन् । 

अपराह्न विराटनगरबाट काठमाडौं आएका कार्कीले शपथ लिनुअघि सभापति र नेता कोइरालासँग मन्त्रिपरिष विस्तारबारे परामर्श लिएका छन् । तर, आजको भेटमा मन्त्रिपरिषद विस्तारबारे खासै छलफल भएको छैन । उनी भोली विहान कोशीमा शपथसँगै सानो मन्त्रिपरिषद बनाएर पुनः काठमाडौं आउने कार्यक्रम छ । कार्कीले आज सभापतिलाई समेत भेट गरेपछि कांग्रेसभित्रको राजनीति पनि केहि मथ्थर भएको छ । 

शनिबार साँझ धुम्बाराहीस्थित निवासमै पुगेका कार्कीलाई देउवाले बधाई दिएका थिए । संविधानअनुसारनै मुख्यमन्त्री भएको भन्दै देउवाले मुख्यमन्त्रीमा दावी गर्न जानुअघि पार्टीमा सल्लाह गरेको भए राम्रो हुने भन्दै देउवाले आफूले मुख्मन्त्री बनाउने प्रयास गरेको तर, कार्कीका नाममा पार्टीमा सहमति नजुटेको बताएका थिए । कार्कीले शपथ लिएर फेरी भेटन आउने भन्दै देउवासँग विदा मागेका थिए ।  

विमानस्थलबाट  शेखर कोइरालाको निवासमा पुगेका उनले त्यहाँ कोइराला र डा. मिनेन्द्र रिजालसँग भेट गरेका थिए । त्यसपछि मुख्यमन्त्री कार्की देउवा निवासमा पुगेका हुन् । कार्की आइतबार विहान ८ बजे शपथ ग्रहणका लागि विराटनगर जानेछन् र फेरि काठमाडौं आउनेछन् । अप्ठेरो भनेको परिस्थिति उनले देउवालाई भेटेर आफैले सहज बनाएका छन् ।